New year offer 2017

கனடா செய்திகள்

விற்பனைக்கு வந்துவிட்டது செவ்வாய் கிரகத்தின் மண் கிலோ ரூ.1,500 மட்டுமே

10/02/2018

செவ்வாய் கிரகத்தின் மண் மாதிரி அமெரிக்காவில் முதல் முறையாக விற்பனைக்கு வந்துள்ளது. கிலோவிற்கு ரூ.1,500 கொடுத்து ஆராய்ச்சியாளர்கள் வாங்கி செல்கின்றனர்.

அமெரிக்காவின் மத்திய புளோரிடா பல்கலைக்கழகத்தில், செவ்வாய் கிரகத்தின் மண் மாதிரி முதல் முறையாக விற்பனைக்கு வந்துள்ளது. புளோரிடா பல்கலைக்கழக விஞ்ஞானிகள் செவ்வாய் கிரக மணலை விற்பனைக்கு கொண்டு வந்துள்ளனர். இது உண்மையான செவ்வாய் கிரக மணல் கிடையாது. ஆனால் செவ்வாய் கிரகத்தின் மணலும், இந்த மண்ணும் ஒத்து போகொன்றன. இரண்டிற்கும் ஒரு வித்தியாசம் கூட கிடையாது.

செவ்வாய் கிரக மண்ணில் இருக்கும், வேதிப்பொருட்களை வைத்தே இந்த மாதிரி மணல் உருவாக்கப்பட்டுள்ளது. மணலை ஆராய்ச்சிக்காக பயன்படுத்த விரும்புவோர், கிலோவுக்கு ரூ.1,500 கொடுத்து வாங்கிக் கொள்ளலாம் என்று பல்கலைக்கழகம் தெரிவித்துள்ளது.

இந்நிலையில் கென்னடி விண்வெளி மையம் உள்பட 30 அமைப்புகளிடம் இருந்து இதற்கான ஆர்டர் வந்துள்ளதாக கூறப்படுகிறது. செவ்வாய் கிரக மணல் மாதிரி இப்போதைக்கு அமெரிக்காவில் மட்டுமே கிடைக்கும். விரைவில் மற்ற நாடுகளுக்கும் அளிக்கப்படும் என்று பல்கலைக்கழகம் அறிவித்துள்ளது.