New year offer 2017

கனடா செய்திகள்

விமான விபத்தில் ஒரே குடும்பத்தில் ஆறு பேர் உயிரிழந்த சோகம் உயிரிழந்தவர்களுக்கு கனேடிய பிரதமர் இரங்கல்

03/12/2019

எத்தியோப்பியாவில் இடம்பெற்ற விமான விபத்தில் கனடாவின் ஒரே குடும்பத்தைச் சேர்ந்த ஆறு பேர் உயிரிழந்துள்ளதாக வெளியாகியுள்ள செய்தி பலரையும் அதிர்ச்சிக்குள்ளாக்கியுள்ளது.

குறித்த விமானத்தில் பயணித்த 18 கனேடியர்கள் உயிரிழந்துள்ளமை உறுதி செய்யப்பட்டுள்ள நிலையிலேயே, அவர்களின் குடும்பத்தினருக்கு கனேடிய பிரதமர் இரங்கல் தெரிவித்துள்ளார்.

எத்தியோப்பிய விமான சேவைக்கு சொந்தமான விமானம் ஒன்று நேற்று முன்தினம் (ஞாயிற்றுக்கிழமை) தனது பயணத்தை ஆரம்பித்த 6வது நிமிடத்தில் வெடித்து சிதறியது.

குறித்த விமானத்தில் பயணித்த ஊழியர்கள் உள்ளிட்ட 157 பேர் உயிரிந்தனர். விபத்துக்குள்ளான குறித்த விமானத்தில் 35 நாடுகளைச் சேர்ந்த பயணிகள் பயணித்ததாகவும் கூறப்படுகின்றது.

இதில், ஒருவர் மற்றும் அதிர்ஷ்டவசமாக விமானத்தை தவற விட்டதால் உயிர் பிழைத்ததாக தெரிவிக்கப்பட்டிருந்தது

குறித்த விமானத்தில் பயணித்த 18 கனேடியர்கள் உயிரிழந்துள்ளமை உறுதி செய்யப்பட்டுள்ள நிலையிலேயே, தற்போது ஒரே குடும்பத்தைச் சேர்ந்த ஆறு பேர் உயிரிழந்துள்ளதாக தெரிவிக்கப்படுகின்றது.

இந்த விபத்தில் ஒன்றாரியோவைச் சேர்ந்த 13 வயதான Anushka Dixit, 14 வயதான Ashka, 37 வயதான Kosha Vaidya, 45 வயதான Prerit Dixit, 71 வயதான Pannagesh Vaidya மற்றும் 63 Hansini Vaidya ஆகியோரே இவ்வாறு உயிரிழந்துள்ளதாக தெரிவிக்கப்படுகின்றது.