New year offer 2017

கனடா செய்திகள்

கனடாவில் சிக்கலுக்குள்ளான இலங்கை அகதிகள் ஏன் இந்த அவலம்

09/19/2019

2016ஆம் ஆண்டு 'Snowden’ என்ற திரைப்படம் ஹாலிவுட்டில் வெளியானது. அந்த படம் அமெரிக்க அரசின் முக்கிய ரகசியங்களை வெளியிட்ட ஒரு முன்னாள் உளவாளியான எட்வர்ட் ஸ்னோடெனைப் பற்றிய படம்.

 

அந்த படத்தில் ஸ்னோடெனுக்கு ஹொங்கொங்கில் சட்டத்தரணி ஒருவரும் அகதிகள் சிலரும் உதவும் காட்சிகள் இடம்பெற்றிருந்தன.

உலக அளவில் பெரும் சர்ச்சையை ஏற்படுத்திய அந்த முன்னாள் உளவாளியான எட்வர்ட் ஸ்னோடெனை அமெரிக்கா தேடப்படும் குற்றவாளியாக அறிவித்தது. அவர் ஹொங்கொங்கிலிருந்து தப்பி ரஷ்யாவுக்கு சென்று அங்கேயே வசித்துவருகிறார்.

இதற்கிடையில் திரைப்படத்தில் தங்களைக்குறித்த விடயங்கள் வெளியானதால், உலகுக்கு தங்களை வெளிப்படுத்துவது தங்களுக்கு நல்லது, ஹொங்கொங் அரசு சட்டப்படி தங்களுக்கு பாதுகாப்பு அளிக்குமென எண்ணி தங்களை வெளிப்படுத்தினார்கள் அந்த இலங்கை அகதிகள்.

ஆனால் எதிர்பார்த்ததற்கு மாறாக, ஹொங்கொங் அதிகாரிகள் அந்த அகதிகளை பின்தொடரவும், விசாரிக்கவும் தொடங்கினார்கள்.

அடிப்படை வசதிகள் அகற்றப்பட்டன. உயிருக்கு பயந்து ஹொட்டல் ஹொட்டலாக மாறி மாறி தங்க ஆரம்பித்தார்கள் அந்த இலங்கை அகதிகளும், அவர்களது சட்டத்தரணியும்.

ஒரு கட்டத்தில் அழுத்தம் அதிகரிக்க, அவர்களது சட்டத்தரணியும் ஸ்னோடெனை அவர்களுக்கு அறிமுகம் செய்தவருமான Robert Tibbo, தொண்டு நிறுவனம் ஒன்றின் உதவியோடு ஹொங்கொங்கை விட்டு வெளியேறினார்.

Supun Thilina Kellapatha, அவரது மனைவி Nadeeka Dilrukshi Nonis, அவர்களது பிள்ளைகள் Sethumdi மற்றும் Dinath, Supunஇன் முன்னாள் காதலியான Vanessa Rodel, அவரது மகள் Keana மற்றும் Ajith Puspa என்னும் அந்த அகதிகள் உயிருக்கு அஞ்சி கனடாவிடம் புகலிடம் கோரினர்.