New year offer 2017

இலங்கை செய்திகள்

இனவாத வைரஸ் நோயிக்கு இன்னமும் மருந்து கண்டுபிடிக்கப்படவில்லை: சுனில் ஹந்துன்நெத்தி

06/11/2018

உயிரியல் விஞ்ஞானத்தில் மனித உடலில் ஏற்படும் அனைத்து வைரஸ் நோய்களுக்கு மருந்து கண்டுபிடிக்கப்பட்டுள்ளதாகவும் இனவாதம் என்ற வைரஸ் நோயிக்கு மாத்திரமே மருந்து கண்டுபிடிக்கப்படவில்லை எனவும் மக்கள் விடுதலை முன்னணியின் நாடாளுமன்ற உறுப்பினர் சுனில் ஹந்துன்நெத்தி தெரிவித்துள்ளார்.

மத ரீதியிலும் இனவாத ரீதியிலும் சாதி ரீதியிலும் பிளவுப்படுத்த அரசியல்வாதிகள் முயற்சிக்கின்றனர். அந்த அரசியல்வாதிகளுக்கு ஏற்பட்டுள்ள தலைவிதி என்ன?

அவர்கள் பணத்திற்கு விற்பனை செய்யப்படும் வர்த்தக பொருளாக மாறியுள்ளனர். எம்மை பிளவுப்படுத்த முயற்சிக்கும் எமது சமூகத்தின் மனிதாபிமானத்தை பிரிக்க முயற்சிக்கும் வர்த்தக சமூகத்தின் விலை பொருளாக அரசியல்வாதிகள் மாறியுள்ளனர்.

அவர்கள் துர்நாற்றம் வீசுபவர்களாக மாறிவிட்டனர். உயிரியல் விஞ்ஞானத்தில் அனைத்து வைரஸ்களுக்கு மருந்து கண்டுபிடிக்கப்பட்டுள்ளது.

எனினும் நவீன விஞ்ஞானம் இனவாத வைரஸூக்கு இன்னும் மருந்தை கண்டுபிடிக்கவில்லை என சுனில் ஹந்துன்நெத்தி குறிப்பிட்டுள்ளார்.