New year offer 2017

இலங்கை செய்திகள்

ஐ.தே.முன்­ன­ணியின் பங்­கா­ளிக்­கட்சித் தலை­வர்கள் - மக்கள் நலன்­சார்ந்த அர­சாங்­கத்தை உரு­வாக்க அனை­வரும் பாடு­ப­டுவோம்

02/13/2020

பரந்­து­பட்ட கூட்­டணி அமைத்து பாரா­ளு­மன்றத் தேர்­தலில் மக்கள் நலன்­சார்ந்த அர­சாங்­கத்தை உரு­வாக்­கு­வ­தற்கு நாம் அனை­வரும் பாடு­ப­டுவோம் என்று புதிய கூட்­ட­ணியில் அங்கம் வகிக்­க­வுள்ள ஐக்­கிய தேசிய முன்­ன­ணியின் பங்­கா­ளிக்­கட்சித் தலை­வர்கள் இணக்கம் தெரி­வித்­துள்­ளனர்.

சஜித் பிரே­ம­தாச தலை­மை­யி­லான  புதிய கூட்­ட­ணியில் அங்கம் வகிக்­க­வுள்ள பங்­கா­ளிக்­கட்­சி­களின் தலை­வர்கள் நேற்று சந்­தித்து பேச்­சு­வார்த்தை நடத்­தினர். சஜித் பிரே­ம­தா­சவின் இல்­லத்தில் நேற்று நடை­பெற்ற இந்த சந்­திப்பில்  ஜாதிக ஹெல­உ­று­ம­யவின் தலைவர் சம்­பிக்க ரண­வக்க தமிழ் முற்­போக்­குக்­கூட்­ட­ணியின் தலைவர் மனோ கணேசன் சிறி­லங்கா முஸ்லிம் காங்­கி­ரஸின்  தலைவர் ரவூப் ஹக்கீம்  அகில இலங்கை மக்கள் காங்­கிரஸ் தலைவர் ரிஷாத் பதி­யுதீன்  மற்றும் கூட்­ட­ணியின் செய­லாளர் ரஞ்சித் மத்­தும பண்­டார ஆகியோர் கலந்­து­கொண்­டனர்.

இந்த பேச்­சு­வார்த்­தையை யடுத்து பங்­கா­ளிக்­கட்­சி­களின் தலை­வர்கள் ஒன்­றி­ணைந்து அறிக்­கை­யொன்­றினை வெளியிட்­டுள்­ளனர். அந்த அறிக்­கை­யி­லேயே இந்த இணக்கம் தெரி­விக்­கப்­பட்­டுள்­ளது.

அதில் மேலும் தெரி­விக்­கப்­பட்­டுள்­ள­தா­வது

ஐக்­கிய தேசியக் கட்­சி­யுடன் நாம் சமீ­ப­கா­ல­மாக நல்­லு­ற­வுடன் இணைந்து செயற்­பட்­டு­வ­ரு­கின்றோம். இன்­றைய அர­சாங்­கத்­திற்கு எதி­ராக ஐக்­கிய தேசி­யக்­கட்­சி­யுடன் இணைந்து பிர­மாண்­ட­மான கூட்­ட­ணியை கட்­டி­யெ­ழுப்ப வேண்­டிய  நிலைமை ஏற்­பட்­டுள்­ளது. இடைக்­கால அர­சாங்­க­மா­னது மக்­க­ளுக்கு வழங்­கிய வாக்­கு­று­தி­களை மீறி செயற்­பட்டு வரு­கின்­றது.

இந்த நிலையில் புதிய கூட்­டணி தொடர்பில் ஐக்­கிய தேசி­யக்­கட்­சியின் செயற்­குழு பல தீர்­மா­னங்­களை எடுத்­துள்­ளது. அதனை நாம் வர­வேற்­கின்றோம். ஐ.தே.க.வின் தலை­வ­ராக ரணில் விக்­கி­ர­ம­சிங்க பதவி வகிப்­ப­துடன் பாரா­ளு­மன்றத் தேர்­தலில் பல­மான கூட்­டணி அமைத்து செயற்­ப­ட­வேண்டும் என்ற செயற்­கு­ழுவின் தீர்­மா­னத்தை நாம் ஏற்­றுக்­கொள்­கின்றோம்.

கூட்­ட­ணியின் தலை­வ­ராக சஜித் நிய­மிக்­கப்­பட்­டுள்­ள­துடன் பிர­தமர் வேட்­பா­ள­ரா­கவும் வேட்­பாளர் தெரி­வுக்­கு­ழுவின் தலை­வ­ரா­கவும் நிய­மிக்­கப்­பட்­டுள்­ள­தடன் செயலாளராக மத்தும பண்டாரவை நியமிக்கும் தீர்மானத்தையும் நாம்  வரவேற்கின்றோம்.

அந்த அடிப்படையில் புதிய கூட்டணியை பரந்துபட்டதாக மாற்றி மக்கள் நலன்சார்ந்த அரசாங்கத்தை உருவாக்குவதற்கு நாம் அனைவரும் ஒன்றிணைந்து பாடுபட உடன்படுகின்றோம்.