New year offer 2017

இலங்கை செய்திகள்

பிரதமர் மஹிந்தவை சந்திக்கவுள்ள சுதந்திரக் கட்சியினர்!

02/14/2020

ஸ்ரீலங்கா சுதந்திரக் கட்சியின் சிரேஷ்ட உறுப்பினர்கள் சிலர் எதிர்வரும் செவ்வாய்க்கிழமை பிரதமர் மஹிந்த ராஜபக்ஷவை சந்தித்து, பொதுஜன பெரமுனவுடன் இணைந்து பொதுத் தேர்தல் போட்டியிடுவது தொடர்பாக கலந்துரையாடவுள்ளனர்.

இந்த சந்திப்பின்போது ஜனாதிபதித் தேர்தலுக்கு முன்னர் ஸ்ரீலங்கா சுதந்திரக் கட்சி மற்றும் ஸ்ரீலங்கா பொதுஜன பெரமுனவுக்கிடையில் கைச்சாத்திடப்பட்ட புரிந்துணர்வு ஒப்பந்தம் தொடர்பிலும் கவனம் செலுத்தப்படும் என சுதந்திரக் கட்சியின் பொதுச் செயலாளர் தயாசிறி ஜயசேகர தெரிவித்தார்.

அத்துடன் பிரதமருடனான சந்திப்பினையடுத்து ஜனாதிபதி கோத்தாபய ராஜபக்ஷவையும் சந்தித்து கலந்துரையாடவுள்ளதாக கூறிய தயாசிறி ஜயசேகர, அதன் பின் கூட்டணி அமைத்து தேர்தலுக்கு முகங்கொடுப்பதா அல்லது தனியாக தேர்தலில் முகங்கொடுப்பதா என்றும் தீர்மானம் மேற்கெள்ளப்படும் என்றும் கூறினார்.