New year offer 2017

இலங்கை செய்திகள்

ஞாயிறு முதல் ஆரம்பம் ஐ.தே.க.வின் தேர்தல் பிரசாரம்

06/25/2020

ஐக்கிய தேசியக் கட்சியின் முதலாவது தேர்தல் பிரசார நடவடிக்கை ஞாயிற்றுக்கிழமை (28) கட்சி தலைவர் ரணில் விக்கிரமசிங்க தலைமையில் கொழும்பில் நடைபெறவுள்ளது.

ரணில் விக்கிரமசிங்க தலைமையில் ஆரம்பமாகும் தேர்தல் பிரசார நடவடிக்கைகளுடன்,  மாவட்ட மற்றும் தேர்தல் தொகுதி மட்டங்களிலான பிரசாரங்கள் நவீன தொழிநுட்பத்தினூடக ஜூலை 4 ஆம் திகதி முதல் முன்னெடுக்கப்படவுள்ளதாக  ஐ.தே.கவின் பொதுச் செயலாளர் அகிலவிராஜ் காரியவசம் தெரிவித்தார்.

இவ்வாறான மக்கள் சந்திப்புக்களில் கலந்து கொள்பவர்கள் குறித்து தனிமைப்படுத்தல் கட்டளைச் சட்டத்தினை கவனத்தில் கொண்டு செயற்படுமாறு ரணில் விக்கிரமசிங்க கட்சி உறுப்பினர்களுக்கு ஆலோசனை வழங்கியுள்ளார்.

பிரசார நடவடிக்கைகளை ஆரம்பிப்பதற்கு முன்னர் சர்வ மத வழிபாடுகளில் ஈடுபடுவதற்கு ரணில் விக்கிரமசிங்க தீர்மானித்துள்ளார்.

அதற்கமைய அவர் இத்தேபானே தம்மாலங்கா தேரர், பெல்லன்வில ரஜமகா விகாரையின் விகாராதிபதி பெல்லன்வில தம்மரத்ன தேரர் , மெல்கம் கர்தினால் ரஞ்சித் ஆண்டகை ஆகியோரை சந்தித்து ஆசீர்வாதம் பெற்றுள்ளமை குறிப்பிடத்தக்கதாகும்.