New year offer 2017

இலங்கை செய்திகள்

இன்று கொழும்பில் நீர்வெட்டு !

06/27/2020

கொழும்பை அண்டிய சில பகுதிகளில் இன்று சனிக்கிழமை (27.06.2020) 18 மணிநேர நீர் வெட்டு அமுல்படுத்தப்படவுள்ளதாக தேசிய நீர்வழங்கல் மற்றும் வடிகாலமைப்பு சபை அறிவித்துள்ளது.

 

குறித்த 18 மணிநேர நீர்வெட்டு கொழும்பு 13, 14 மற்றும் 15 ஆகிய பகுதிகளில் அமுல்படுத்தப்படவுள்ளது.

இன்று சனிக்கிழமை (27.06.2020) இரவு 10 மணி முதல் நாளை ஞாயிற்றுக்கிழமை (28.06.2020) பிற்பகல் 4 மணிவரையான 18 மணிநேர நீர்வெட்டு இவ்வாறு அமுல்படுத்தப்படவுள்ளது.

இதேவேளை, கொழும்பு 1, 11 மற்றும் 12 ஆகிய பகுதியில் குறைந்த அழுத்தத்துடன் நீர் விநியோகம் இடம்பெறுமென தேசிய நீர்வழங்கல் மற்றும் வடிகாலமைப்பு சபை அறிவித்துள்ளது.

மேற்கூறப்பட்ட இடங்களில் அவசர திருத்த பணிகள் இடம்பெறுவதன் காரணமாகவே குறித்த நீர் வெட்டு அமுல்படுத்தப்படுவதாக நீர்வழங்கல் மற்றும் வடிகாலமைப்பு சபை தெரிவித்துள்ளமை குறிப்பிடத்தக்கது.